ساہیوال: گورنمنٹ گریجویٹ کالج کے امتحانی سینٹر سے جعلی نگران کو گرفتار کر لیا گیا، جو اپنے والد کی جگہ ڈیوٹی انجام دے رہا تھا۔
حکام کے مطابق صوبائی وزیر کے فوکل پرسن نے امتحانی سینٹر پر اچانک چھاپہ مارا اور ملزم کو موقع پر گرفتار کرا دیا۔
غفلت برتنے پر امتحانی سینٹر کے سپرنٹنڈنٹ اور ڈپٹی سپرنٹنڈنٹ کو فوری طور پر معطل کر دیا گیا۔ تھانہ سول لائن پولیس نے مقدمہ درج کرکے مزید تفتیش شروع کر دی ہے۔
