سابق وزیر اعظم اور مسلم لیگ ن کے صدر نواز شریف نے لاہور میں ضمنی انتخابات میں کامیاب ہونے والے نو منتخب ارکان اسمبلی سے خطاب کرتے ہوئے کہا کہ عمران خان اکیلا مجرم نہیں، اسے لانے والے بھی برابر کے شریک ہیں۔ انہوں نے کہا کہ عوام نے کارکردگی کی بنیاد پر ہمیں ووٹ دیا، اور الیکشن کا بائیکاٹ کرنے والے خود حصہ لے کر ہار گئے۔
نواز شریف نے گزشتہ دور حکومت پر تنقید کرتے ہوئے کہا کہ اس دوران کوئی ترقیاتی منصوبہ شروع نہیں ہوا، ملک میں بدتہذیبی عام کی گئی اور بیرونی پالیسی دیوالیہ ہو گئی تھی۔ انہوں نے کہا کہ اگر ترقی کی رفتار جاری رہتی تو آج پاکستان کا عالمی مقام بہتر ہوتا۔
انہوں نے کہا کہ مسلم لیگ ن ہر دور میں ترقیاتی منصوبے شروع کرتی رہی، آج میرٹ کا بول بالا ہے اور ہر محکمہ تندہی سے کام کر رہا ہے۔ حکومت کی کوششوں سے مہنگائی میں کمی ہوئی اور پاکستان ڈیفالٹ سے بچ گیا۔
سابق وزیر اعظم نے کہا کہ دوسروں کو چور اور ڈاکو کہنے والے خود چور ثابت ہوئے۔ پنجاب میں غریبوں کے لیے ایک لاکھ 20 ہزار گھر بنائے جا رہے ہیں، مفت علاج معالجہ اور اسپتال بن رہے ہیں، ہر ضلع میں گرین بسیں چل رہی ہیں، اور امن و امان کی صورتحال پہلے سے بہتر ہو گئی ہے
