رانچی میں کھیلے گئے پہلے ون ڈے میں بھارت نے سنسنی خیز مقابلے کے بعد جنوبی افریقہ کو 17 رنز سے شکست دے دی۔ بھارت کے 349 رنز کے جواب میں جنوبی افریقہ کی پوری ٹیم 49.2 اوور میں 332 رنز بنا کر آؤٹ ہوئی۔
ٹاپ آرڈر بری طرح ناکام رہا، مارکرم 7 پر، ریکیلٹن اور ڈی کوک بغیر کوئی رن بنائے واپس لوٹ گئے۔ لیکن بریٹزک نے 72، مارکو یانسن نے دھماکے دار 70، اور کوربن بوش نے 67 رنز کی جارحانہ اننگز کھیل کر میچ کو بھرپور مقابلہ بنایا۔
ٹونی ڈی زورزی نے بھی 39 رنز بنا کر اہم کردار ادا کیا، جبکہ ڈیوڈ بریوس نے 37 رنز کی تیز باری کھیلی۔
بھارت کی جانب سے کلدیپ یادو نے شاندار اسپیل کے ساتھ چار وکٹیں حاصل کیں، جبکہ ہرشیت رانا اور ارشدیپ سنگھ نے اہم مواقع پر وکٹیں لے کر میچ کا پانسہ پلٹ دیا۔
میچ کا ٹرننگ پوائنٹ آخر میں وکٹوں کا تیزی سے گرنا ثابت ہوا، جب جنوبی افریقہ 300 کے بعد بھی مضبوط نظر آ رہا تھا لیکن بھارتی باؤلنگ نے واپسی کر کے میزبان ٹیم کو جیت دلا دی
