دسمبر 6، 2025
ویب ڈیسک
صدی کے سب سے طویل سورج گرہن کی سرکاری تاریخ جاری کر دی گئی ہے، اور ماہرین اس کے غیر معمولی دورانیے اور شاندار نمائش کو اجاگر کر رہے ہیں۔ 16 اگست 2186 کو دنیا کے کچھ حصوں میں ایسا منظر دیکھنے کو ملے گا جب چند لمحوں کے لیے دن رات میں بدل جائے گا۔
یہ مکمل سورج گرہن 7 منٹ اور 29 سیکنڈ تک قائم رہے گا، جو کہ پچھلی ایک صدی کا سب سے طویل دورانیہ ہوگا۔ سورج گرہن کا راستہ اٹلانٹک سے ہوتا ہوا شمالی جنوبی امریکا اور پھر کیریبین تک پھیلے گا۔
ماہرین کا کہنا ہے کہ اس طویل دورانیے والا گرہن دنیا بھر میں دلچسپی کا مرکز بنے گا۔ اس دوران دن کا اُجالا مدھم پڑ جائے گا، پرندے خاموش ہو جائیں گے، ماحول میں عجیب سی گہری خاموشی چھا جائے گی، اور دنیا بھر کے لوگ اس نایاب منظر کو دیکھنے کے لیے آسمان کی جانب نظریں اٹھائیں گے۔
