دسمبر 6، 2025
ویب ڈیسک
سعودی عرب آنے والے دنوں میں غیر مستحکم موسم کے لیے تیار ہے کیونکہ ملک کے بیشتر علاقوں میں گرج چمک کے ساتھ بارشوں کی پیشگوئی کی گئی ہے۔ نیشنل سینٹر فار میٹیرولوجی کے مطابق شدید بارش، گرد و غبار کے طوفان اور اچانک سیلاب کے خدشے کے باعث ملک بھر میں الرٹس جاری کیے گئے ہیں۔
موسمیاتی ادارے نے بتایا کہ ہفتہ 6 دسمبر سے جمعرات 11 دسمبر تک مختلف شدت کے ساتھ گرج چمک والے طوفان متوقع ہیں۔ متاثرہ علاقوں میں عسیر، الباحہ، مکہ، مدینہ، تبوک، حائل، قصیم، جازان، الجوف، شمالی سرحدیں، ریاض اور مشرقی صوبہ شامل ہیں۔
حکام نے شہریوں کو ممکنہ خطرناک موسم کے پیش نظر احتیاط برتنے کی ہدایت کی ہے۔
