لاہور سمیت پاکستان میں وائرس انفیکشن نے تشویشناک صورتحال اختیار کر لی ہے، بڑی تعداد میں شہری انفلوئنزا اور دیگر موذی امراض میں مبتلا ہو کر ہسپتالوں کا رخ کر رہے ہیں۔
محکمہ صحت کے مطابق گزشتہ 12 روز کے دوران پنجاب کے سرکاری ہسپتالوں میں 50 ہزار سے زائد مریض رپورٹ ہو چکے ہیں جب کہ نجی کلینکس میں بھی مریضوں کا غیر معمولی رش دیکھا جا رہا ہے، متاثرہ افراد میں خشک کھانسی، شدید نزلہ، سردرد اور جسم درد جیسی علامات عام ہیں۔
طبی ماہرین کے مطابق ہسپتالوں میں آنے والے بیشتر مریض انفلوئنزا اے (H3N2) کی علامات کے ساتھ رپورٹ ہو رہے ہیں۔
ماہرین نے خبردار کیا ہے کہ دسمبر سے فروری کے دوران انفلوئنزا کے کیسز میں مزید اضافہ متوقع ہے اور سموگ کے باعث علامات طویل عرصے تک برقرار رہنے کا خدشہ بھی بڑھ گیا ہے۔
