دسمبر 17، 2025
ویب ڈیسک
2 اگست 2027 کو دنیا اس صدی کے طویل ترین مکمل سورج گرہن کا مشاہدہ کرے گی، جسے گریٹ نارتھ افریقن ایکلیپس کہا جا رہا ہے۔ یہ نایاب فلکیاتی منظر شمالی افریقہ، جنوبی یورپ اور مشرقِ وسطیٰ کے کئی حصوں کو تاریکی میں ڈبو دے گا۔
اس دوران چاند مکمل طور پر سورج کو ڈھانپ لے گا اور تقریباً 6 منٹ 23 سیکنڈ تک سورج کا دلکش کورونا نظر آئے گا، جو اس صدی کا سب سے طویل زمینی مکمل سورج گرہن ہوگا۔
یہ سورج گرہن اسپین، مراکش، الجزائر، تیونس، لیبیا، مصر، سعودی عرب اور یمن سے گزرتے ہوئے نظر آئے گا، جبکہ مصر کا شہر لُکسر اس کے بہترین مشاہدے کے مقامات میں شامل ہے۔ اتنی طویل مدت کا سورج گرہن دوبارہ 2114 سے پہلے نہیں ہوگا۔
