کراچی کے علاقے لیاقت آباد نمبر 3 میں نقب زنی کی واردات میں نامعلوم ملزمان ایک گھر سے لاکھوں روپے مالیت کے سونے کے زیورات اور دیگر قیمتی سامان چوری کر کے فرار ہو گئے۔
متاثرہ شہری کے مطابق اہل خانہ شادی کی تقریب میں شرکت کے لیے گھر سے باہر گئے ہوئے تھے، اسی دوران ملزمان نے تالے توڑ کر گھر میں داخل ہو کر واردات کی۔
چور سونے کے زیورات کے ساتھ گھر میں موجود لاکھوں روپے نقدی اور 2 ہزار 500 ریال بھی لے گئے۔
واقعے کی اطلاع ملتے ہی پولیس موقع پر پہنچی، شواہد اکٹھے کیے اور نقب زنی کا مقدمہ درج کر کے ملزمان کی تلاش شروع کر دی ہے۔
