کراچی کے علاقے ڈیفنس فیز 8 میں تیز رفتار گاڑی کی موٹر سائیکل کو ٹکر کے نتیجے میں 15 سالہ لڑکا جاں بحق ہو گیا۔
تفصیلات کے مطابق حادثہ تیز رفتاری کے باعث پیش آیا، جہاں ایک تیز رفتار گاڑی نے موٹر سائیکل کو ٹکر مار دی۔ حادثے کے نتیجے میں کمسن لڑکا شدید زخمی ہوا اور موقع پر ہی دم توڑ گیا۔
حادثے کی اطلاع ملتے ہی ریسکیو ٹیمیں اور پولیس موقع پر پہنچ گئیں اور جاں بحق بچے کی لاش کو قانونی کارروائی کے لیے جناح پوسٹ گریجویٹ میڈیکل سینٹر منتقل کر دیا گیا۔ پولیس نے مزید تفتیش شروع کر دی ہے۔
