وفاقی وزیرِ صحت مصطفیٰ کمال نے کہا ہے کہ پرائمری ہیلتھ سسٹم کا متبادل ٹیلی میڈیسن نظام ہے۔
وفاقی دارالحکومت میں مصطفیٰ کمال کا تقریب کے شرکا سے خطاب کرتے ہوئے کہنا تھا کہ صحت کے شعبےکی بہتری کے لیے اقدامات کررہے ہیں۔
اُنہوں نے کہا کہ پرائمری ہیلتھ سسٹم کا متبادل ٹیلی میڈیسن سسٹم ہے، اسلام آباد کے گوکینہ گاؤں میں ٹیلی میڈیسن پراجیکٹ کا باقاعدہ آغاز ہوگیا۔
وفاقی وزیرِ صحت کا مزید کہنا تھا کہ اسلام آباد کے 6 اور کراچی کے 4 مقامات پرٹیلی میڈیسن سسٹم نصب کررہے ہیں، ٹیلی میڈیسن سسٹم وفاقی بنیادی صحت مراکز میں شروع کر دیا، ٹیلی میڈیسن سسٹم شعبہ صحت میں خاموش انقلاب ہے۔
