جمہوریہ کانگو (DRC) میں ایبولا وائرس کے کیسز میں مسلسل اضافہ ہو رہا ہے، جہاں متاثرہ افراد کی تعداد بڑھ کر 452 تک پہنچ گئی ہے جبکہ اموات کی تعداد 82 ہو چکی ہے۔
صحت حکام کے مطابق وبا مختلف علاقوں میں تیزی سے پھیل رہی ہے، اور کئی مریض بروقت علاج نہ ملنے کے باعث جان کی بازی ہار رہے ہیں۔ صورتحال کو قابو میں رکھنے کے لیے نگرانی اور ہنگامی اقدامات مزید تیز کر دیے گئے ہیں۔
مقامی طبی ماہرین کا کہنا ہے کہ متاثرہ علاقوں میں صحت کے نظام پر دباؤ بڑھ گیا ہے، جبکہ نقل مکانی اور محدود سہولیات نے وائرس کے پھیلاؤ کو مزید بڑھا دیا ہے۔
عالمی ادارہ صحت (WHO) اور دیگر شراکت دار ادارے متاثرہ علاقوں میں امدادی سرگرمیوں کو وسعت دینے اور رابطہ ٹریسنگ کے عمل کو مضبوط بنانے میں مصروف ہیں۔
ماہرین نے عوام سے اپیل کی ہے کہ بخار، کمزوری یا خون بہنے جیسی علامات ظاہر ہونے پر فوری طور پر قریبی طبی مرکز سے رجوع کریں تاکہ بروقت علاج ممکن ہو سکے
