سائنس دانوں نے ایک اہم طبی پیش رفت کرتے ہوئے ایسا حیاتیاتی (Biological) پیس میکر تیار کیا ہے جو دل کی بے ترتیب دھڑکنوں کو قدرتی انداز میں منظم کرنے کی صلاحیت رکھتا ہے۔ محققین نے اسٹیم سیلز کی مدد سے دل کے قدرتی پیس میکر، یعنی سائنو ایٹریئل نوڈ (SA Node) کی طرز پر ایک تھری ڈی آرگینائڈ تیار کیا جو خود بخود برقی سگنلز پیدا کر سکتا ہے اور دل کی دھڑکن کو کنٹرول کرنے کی صلاحیت رکھتا ہے۔
ماہرین کے مطابق یہ نئی ٹیکنالوجی مستقبل میں دل کی دھڑکن کی خرابیوں (Arrhythmias) کے علاج، ادویات کی جانچ اور روایتی الیکٹرانک پیس میکرز کے متبادل کے طور پر استعمال کی جا سکتی ہے۔ تاہم اس تحقیق کو عملی طبی استعمال تک پہنچانے کے لیے مزید تجربات اور کلینیکل ٹرائلز درکار ہوں گے۔
