ہیری پوٹر کے مداحوں کے لیے خوشخبری، مشہور ڈیزائن اسٹوڈیو مِنا لیما نے نیا ٹیبل ٹاپ آر پی جی اور بورڈ گیم “Defenders of Hogwarts” متعارف کرا دیا ہے۔ یہ وہی اسٹوڈیو ہے جس نے ہیری پوٹر فلموں کے کئی مشہور ڈیزائنز اور پروپس تیار کیے تھے، جن میں ماروڈرز میپ اور ہوگ وارٹس لیٹر شامل ہیں۔
یہ گیم معروف گیم ڈیزائنر ڈیوڈ واٹر مین کے اشتراک سے تیار کی جا رہی ہے جبکہ اسے وارنر برادرز ڈسکوری کی باضابطہ لائسنسنگ بھی حاصل ہے۔ گیم کی کہانی ہوگ وارٹس کی آخری جنگ کے گرد گھومتی ہے جہاں کھلاڑیوں کو اچھائی اور برائی میں سے ایک فریق کا انتخاب کرنا ہوگا۔
گیم کی نمایاں خصوصیات
- 2 سے 5 کھلاڑی ایک ساتھ کھیل سکیں گے
- 13 سال یا اس سے زائد عمر کے افراد کے لیے موزوں
- ہر گیم تقریباً 60 سے 90 منٹ پر مشتمل ہوگی
- اسپیل کاسٹنگ، خفیہ مشنز اور اسٹریٹیجک گیم پلے شامل
- کچھ کھلاڑی خفیہ طور پر ڈارک فورسز کا حصہ بھی بن سکتے ہیں
مداح اس اعلان پر خاصے پرجوش ہیں کیونکہ منا لیما کی آرٹ ورک اور ڈیزائننگ ہیری پوٹر فلموں کی اصل جادوئی دنیا کے بہت قریب سمجھی جاتی ہے۔
گیم کو رواں سال کِک اسٹارٹر پر لانچ کیے جانے کا امکان ہے جبکہ عالمی سطح پر اس کی ریلیز 2027 کے موسمِ بہار میں متوقع ہے۔
