ممبئی: بالی ووڈ اور ہالی ووڈ کی معروف اداکارہ Priyanka Chopra Jonas نے مداحوں کو اس وقت حیران کر دیا جب انہوں نے انکشاف کیا کہ وہ جلد ہی Angelina Jolie کے ساتھ ایک نئے پراجیکٹ میں کام کرنے جا رہی ہیں۔
فورچون انڈیا کو دیے گئے ایک حالیہ انٹرویو میں پریانکا چوپڑا نے انجلینا جولی کے ساتھ تعاون کی تصدیق تو کی، تاہم منصوبے کی نوعیت یا دیگر تفصیلات سے متعلق کوئی معلومات فراہم نہیں کیں۔
اپنی گفتگو کے دوران پریانکا نے ان خواتین شخصیات کا بھی ذکر کیا جنہوں نے انہیں پیشہ ورانہ زندگی میں متاثر کیا۔ انہوں نے انجلینا جولی، Penélope Cruz اور Salma Hayek کو اپنی پسندیدہ اور متاثر کن شخصیات قرار دیا۔
اداکارہ اس وقت بھارت اور ہالی ووڈ دونوں میں متعدد منصوبوں پر کام کر رہی ہیں۔ ان کے نمایاں پراجیکٹس میں فلم Varanasi شامل ہے، جس کی ہدایت کاری S. S. Rajamouli کر رہے ہیں۔
پریانکا کے مطابق یہ فلم غیر معمولی پیمانے پر بنائی جا رہی ہے اور عالمی سطح پر ریلیز کی جائے گی، جس سے دنیا بھر کے ناظرین کو بھارتی سنیما کے ایک نئے انداز سے روشناس ہونے کا موقع ملے گا۔
اس کے علاوہ پریانکا چوپڑا کی آنے والی بین الاقوامی فلموں میں Orlando Bloom کے ساتھ ایک پراجیکٹ، Amri جس کی ہدایت کاری Mira Nair کر رہی ہیں، اور Judgment Day شامل ہیں۔
اپنے کیریئر کے حوالے سے پریانکا نے کہا کہ اب وہ ایسے مقام پر ہیں جہاں وہ اپنی پسند کے منصوبوں کا انتخاب کر سکتی ہیں اور اپنی تخلیقی سوچ کے مطابق نئے پراجیکٹس تیار کر رہی ہیں۔
متعدد بین الاقوامی اور بھارتی منصوبوں کے ساتھ پریانکا چوپڑا عالمی سطح پر اپنی موجودگی مزید مضبوط بنا رہی ہیں اور دنیا بھر کے فلمی شائقین کی توجہ کا مرکز بنی ہوئی ہیں۔
