کراچی: پاکستان اسٹاک ایکسچینج میں جمعرات کو کاروبار محدود دائرے میں رہا اور کے ایس ای-100 انڈیکس 206 پوائنٹس یا 0.11 فیصد کمی کے بعد 180,104 پوائنٹس پر بند ہوا۔
کے اے ایس بی ک ٹریڈ کے احمد شیراز کے مطابق مارکیٹ میں کسی نئے مثبت محرک کی عدم موجودگی کے باعث سرمایہ کار محتاط رہے، تاہم کاروباری سرگرمیاں مضبوط رہیں اور مجموعی طور پر 38 کروڑ 80 لاکھ شیئرز کا کاروبار ہوا۔
حجم کے اعتبار سے سینرجی 24 کروڑ 70 لاکھ شیئرز کے ساتھ سرفہرست رہی، جبکہ بینک آف پنجاب کے ایک کروڑ 60 لاکھ، کے الیکٹرک کے ایک کروڑ اور ایس ایس جی سی کے 87 لاکھ شیئرز کا کاروبار ہوا۔
مختلف شعبوں کی جانب سے انڈیکس پر ملا جلا اثر پڑا۔ ایف ایف سی نے انڈیکس کو سب سے زیادہ سہارا دیا، جبکہ ایس آر وی آئی اور ایچ بی ایل نے بھی مثبت کردار ادا کیا۔ دوسری جانب اینگرو ہولڈنگز انڈیکس پر سب سے بڑا منفی اثر ڈالنے والی کمپنی رہی، جس کے بعد ایس وائی ایس اور ایچ ایم بی کا نمبر آیا۔
تجزیہ کاروں کے مطابق سرمایہ کار کسی نئے مثبت محرک کے منتظر ہیں، اس لیے مارکیٹ آئندہ بھی محدود دائرے میں رہ سکتی ہے۔ عالمی سطح پر تیل کی قیمتیں 87 سے 90 ڈالر فی بیرل کے درمیان رہنے کے باعث بھی سرمایہ کار محتاط ہیں۔
یومِ آزادی کے موقع پر جمعہ کو عام تعطیل کے باعث اسٹاک مارکیٹ طویل تعطیلات کے لیے بند رہی گی اور کاروبار پیر کو دوبارہ شروع ہوگا۔
