پاکستانی سپر اسٹارز ماہرہ خان اور ہمایوں سعید ایک بار پھر بڑی اسکرین پر جلوہ گر ہونے جا رہے ہیں، اپنی نئی فلم "لو گرو” کے ساتھ، جو عیدالاضحیٰ پر ریلیز ہو رہی ہے۔ فلم کو لے کر شائقین میں زبردست جوش پایا جا رہا ہے اور دونوں اداکار بین الاقوامی پروموشنل ٹور پر بھی جا چکے ہیں، جہاں انہوں نے امریکہ، برطانیہ اور دبئی میں مداحوں سے ملاقات کی۔
اسی سلسلے میں انہوں نے وسیم بادامی کے ساتھ ایک انٹرویو میں شرکت کی، جہاں ماہرہ خان نے ہمایوں سعید کے بارے میں دلچسپ بات کہہ دی۔
جب ان سے پوچھا گیا کہ ایسی کون سی بات ہے جو لوگ ہمایوں کے بارے میں نہیں جانتے؟ تو ماہرہ نے ہنستے ہوئے کہا:
“ہمایوں ایک بچے کی طرح ہیں۔ جب بھی میں انہیں دیکھتی ہوں، مجھے ایک بچہ نظر آتا ہے جس کے کندھوں پر ہمایوں کا بڑا چہرہ لگا ہوتا ہے۔”
انہوں نے مزید کہا کہ وہ بچے کے منہ میں پیسفائر ہوتا ہے اور گلے میں ایک بپ بندھی ہوتی ہے، جس پر وسیم بادامی اور ناظرین سب ہنس پڑے۔
ماہرہ کی یہ مزاحیہ بات سوشل میڈیا پر وائرل ہو چکی ہے اور شائقین اسے خوب پسند کر رہے ہیں، جو ان دونوں اسٹارز کے دوستانہ اور خوش مزاج تعلقات کی جھلک بھی دکھاتی ہے۔
لو گرو، جس کی ہدایت کاری ندیم بیگ نے کی ہے، اس عید کی سب سے زیادہ متوقع فلموں میں سے ایک ہے اور اس میں رومانس، مزاح اور اسٹار پاور کی بھرمار ہو گی۔
