مکہ — سعودی عرب کی وزارت اسپورٹس کی 800 رکنی اسکاؤٹس ٹیم نے حج سیزن کی تیاری کے سلسلے میں منیٰ میں عازمین حج کی رہائش گاہوں کا سروے شروع کر دیا ہے۔
یہ سروے عازمین کی رہائش، اہم نشانات، پیدل چلنے کے راستوں اور سرکاری اداروں کے مراکز کے بارے میں معلومات جمع کرنے پر مرکوز ہے۔ یہ اقدام وزارتِ حج و عمرہ کے اشتراک سے کیا جا رہا ہے تاکہ حجاج کو بہتر سہولیات فراہم کی جا سکیں اور گمشدہ افراد کی رہنمائی کی جا سکے۔
وزارتِ اسپورٹس نے منیٰ میں پانچ اسکاؤٹ کیمپ قائم کیے ہیں، جن میں المعیصم 1-2، الربوہ، وادی محسر اور آپریشنز کیمپ شامل ہیں۔ روانگی سے قبل اسکاؤٹس کو چار روزہ تربیتی پروگرام دیا گیا جس میں ٹیم ورک، قیادت اور ہجوم کی نگرانی کی تربیت دی گئی۔
ہر سال لاکھوں رضا کار حج کے دوران خدمات انجام دیتے ہیں، جو تقریباً 20 لاکھ زائرین کو پانچ روز تک مکہ مکرمہ میں عبادات کی ادائیگی میں مدد فراہم کرتے ہیں۔ رضا کار صحت کی سہولیات، کھانے کی تقسیم، ہجوم کی نگرانی اور ٹرانسپورٹیشن کی ہم آہنگی جیسے کاموں میں حصہ لیتے ہیں تاکہ حج کا عمل خوش اسلوبی سے مکمل ہو
