معروف اداکارہ سجل علی نے ثنا یوسف کے دردناک قتل پر شدید غم و غصے کا اظہار کیا ہے۔ سوشل میڈیا پر انہوں نے لکھا کہ یہ واقعہ ہمارے معاشرے کی بے حسی اور کمزور اقدار کی عکاسی کرتا ہے۔
سجل علی نے سوال اٹھایا کہ کیا آج بھی عورت کی زندگی کی کوئی اہمیت نہیں؟ انہوں نے کہا کہ "ہم کیسا معاشرہ بن چکے ہیں جہاں عورتوں کو آج بھی غیرت کے نام پر مارا جاتا ہے؟”
انہوں نے حکومت اور معاشرے سے انصاف اور جوابدہی کا مطالبہ کیا، اور کہا کہ ایسے واقعات صرف قوانین سے نہیں، بلکہ سوچ اور تربیت سے ختم ہوں گے۔
سجل کا بیان معاشرے میں خواتین کے تحفظ کے لیے ایک مؤثر مطالبے کی حیثیت رکھتا ہے، جسے عوام کی جانب سے بھرپور حمایت مل رہی ہے۔
