کلفٹن پولیس اور ملزمان کے درمیان ہائپر اسٹار کے قریب دورانِ گشت پولیس مقابلہ ہوا۔ کلفٹن پولیس نے موٹر سائیکل سوار تین مشتبہ افراد کو رکنے کا اشارہ کیا، تاہم ملزمان نے پولیس پر فائرنگ کر دی۔
جوابی کارروائی میں دو ملزمان کو بغیر کسی نقصان کے گرفتار کر لیا گیا، جبکہ ایک ملزم فرار ہونے میں کامیاب ہو گیا۔
گرفتار ملزمان کے قبضے سے ایک پستول، زندہ راؤنڈز اور تھانہ بوٹ بیسن کی حدود سے چوری شدہ موٹر سائیکل برآمد ہوئی۔
گرفتار ملزمان کی شناخت عبدالنوازیب اللہ ولد خان بادشاہ کے نام سے ہوئی، جبکہ فرار ہونے والے ملزم کی شناخت ناصر ولد نامعلوم کے طور پر کی گئی ہے۔
گرفتار ملزمان کا سابقہ مجرمانہ ریکارڈ چیک کیا جا رہا ہے، اور ضابطے کی کارروائی عمل میں لائی جا رہی ہے۔ فرار ملزم کی گرفتاری کے لیے کوششیں جاری ہیں۔
