سندھ پولیس کے ڈی آئی جی لائسنس اینڈ ٹریننگ، اقبال دارا نے سندھ حکومت کے وژن اور آئی جی سندھ غلام نبی میمن کی ہدایات پر عوام کے لیے 28 ستمبر 2024 کو آن لائن ڈرائیونگ لائسنس کا آغاز کیا تھا۔
ڈی آئی جی اقبال دارا نے اس وژن کو بہترین انداز میں عملی جامہ پہناتے ہوئے ایک اور سنگ میل عبور کر لیا ہے، جس میں آن لائن ڈرائیونگ لائسنس کا ریکارڈ ترین اجرا کیا گیا ہے۔
اب تک 2 لاکھ سے زائد افراد نے سندھ کی آن لائن ویب پورٹل کے ذریعے گھر بیٹھے اپنا لرنر لائسنس، پرمننٹ لائسنس کی تجدید اور انٹرنیشنل ڈرائیونگ پرمٹ حاصل کیا ہے۔
مجموعی طور پر اب تک درج ذیل اعداد و شمار سامنے آئے ہیں,184,654 آن لائن لرنر لائسنس کا اجرا,13,000 آن لائن پرمننٹ لائسنس کی تجدید,7,031 انٹرنیشنل ڈرائیونگ پرمٹ کا اجرا.
اس کے علاوہ، سندھ کے ڈرائیونگ لائسنس کی آن لائن ویب سائٹ پر اب تک 351,360 یوزرز نے خود کو رجسٹر کرایا ہے۔
یہ کامیابی سندھ حکومت اور آئی جی سندھ کے وژن کی عکاسی کرتی ہے کہ عوام کو سہولت فراہم کرنے کے لیے جدید ٹیکنالوجی کا استعمال کیا جائے۔
