ایف آئی اے انسداد انسانی سمگلنگ سرکل لاہور نے شیخوپورہ اور سیالکوٹ میں کارروائی کرتے ہوئے انسانی اسمگلنگ اور ویزا فراڈ میں ملوث دو انتہائی مطلوب ملزمان کو گرفتار کرلیا۔
پولیس کے مطابق گرفتار ملزمان کی شناخت شاہد عمر اور شیخ محمد خرم کے ناموں سے ہوئی ہے۔ ملزمان شہریوں کو آسٹریلیا اور سعودی عرب میں ملازمت دلانے کا جھانسہ دے کر مجموعی طور پر 22 لاکھ 20 ہزار روپے وصول کرچکے تھے۔
حکام کے مطابق بیرون ملک بھجوانے میں ناکامی کے بعد دونوں ملزمان روپوش ہوگئے تھے، جبکہ شیخ محمد خرم ایف آئی اے لاہور زون کو دو مقدمات میں مطلوب تھا۔
ترجمان ایف آئی اے کا کہنا ہے کہ گرفتار ملزمان سے تحقیقات شروع کر دی گئی ہیں اور مزید انکشافات متوقع ہیں۔
