ضلع ایست کے تھانہ عوامی کالونی کے علاقے میں ملیر ندی کے قریب دورانِ گشت پولیس اور ملزمان کے درمیان مقابلہ ہوا۔ عوامی کالونی پولیس نے موٹر سائیکل سوار دو مشتبہ افراد کو رکنے کا اشارہ کیا، تاہم انہوں نے پولیس پر فائرنگ کر دی۔
جوابی کارروائی میں ایک ملزم کو زخمی حالت میں گرفتار کر لیا گیا، جبکہ دوسرا ملزم فرار ہونے میں کامیاب ہو گیا۔
گرفتار ملزم کے قبضے سے ایک پستول، زندہ راؤنڈز اور ایک موبائل فون برآمد ہوا۔
گرفتار ملزم کی شناخت مقصود علی ولد بدر الدین کے نام سے ہوئی، جبکہ فرار ہونے والے ملزم کی شناخت سلیم عرف کالا کے طور پر کی گئی ہے۔
زخمی ملزم کو فوری طور پر علاج معالجے کے لیے اسپتال منتقل کر دیا گیا۔
