امریکن ہارٹ ایسوسی ایشن (AHA) نے ہائی بلڈ پریشر سے متعلق 2025 کی نئی گائیڈ لائنز جاری کی ہیں جن میں جلد تشخیص، طرزِ زندگی میں تبدیلیاں اور سخت ہدف مقرر کرنے پر زور دیا گیا ہے۔
نئی سفارشات کے مطابق جہاں ممکن ہو بلڈ پریشر کو 120 ملی میٹر ایچ جی سے کم رکھنا چاہیے، ہر بالغ کو سال میں کم از کم ایک بار بلڈ پریشر چیک کرانا ہوگا، اور خوراک، ورزش، وزن میں کمی، نمک کا کم استعمال اور ذہنی دباؤ میں کمی بنیادی اقدامات قرار دیے گئے ہیں۔
گائیڈ لائنز میں یہ بھی کہا گیا ہے کہ اگر طرزِ زندگی کی تبدیلیاں مؤثر نہ ہوں تو ادویات کا جلد آغاز کیا جائے، جبکہ علاج تک مساوی رسائی پر بھی زور دیا گیا ہے۔
ماہرین کے مطابق یہ اقدامات دل کے دورے، فالج، گردے کی بیماری اور دیگر پیچیدگیوں کے خطرات کو کم کرنے میں مددگار ہوں گے، جو دنیا بھر میں 1.3 ارب سے زائد افراد کو متاثر کر رہا ہے۔
