لاہور، 28 اگست 2025 — لاہور کے علاقے گارڈن ٹاؤن میں گھریلو ملازمین اور ان کے چار نامعلوم ساتھیوں کے خلاف 2 کروڑ 56 لاکھ روپے چوری کرنے کا مقدمہ درج کر لیا گیا ہے۔
پولیس کے مطابق واردات اس وقت ہوئی جب گھر کے مالک طلحہ نجم اپنے اہلخانہ کے ساتھ سیر و تفریح کے لیے گھر سے باہر گئے ہوئے تھے۔
مشتبہ ملازمین کی شناخت سید احمد، قرار احمد اور سیف کے ناموں سے ہوئی ہے جبکہ ان کے دیگر ساتھیوں کی تلاش جاری ہے۔
پولیس نے مالک کی مدعیت میں ایف آئی آر درج کر کے تحقیقات شروع کر دی ہیں۔
