2 ستمبر، 2025
ویب ڈیسک
پنجاب ڈیزاسٹر مینجمنٹ اتھارٹی (پی ڈی ایم اے) نے صوبے بھر میں مون سون بارشوں کے 10ویں اسپیل کے حوالے سے الرٹ جاری کردیا ہے۔ محکمے کے مطابق 6 سے 9 ستمبر کے دوران صوبے کے مختلف اضلاع میں طوفانی بارشوں کا امکان ہے جبکہ بعض نشیبی علاقوں میں فلش فلڈنگ کا بھی خدشہ ظاہر کیا گیا ہے۔
ترجمان پی ڈی ایم اے کے مطابق راولپنڈی، مری، گلیات، اٹک، چکوال، جہلم، گوجرانوالہ، لاہور اور سیالکوٹ میں بارشیں متوقع ہیں۔
اسی طرح نارووال، حافظ آباد، اوکاڑہ، ساہیوال، قصور، سرگودھا، میانوالی، ڈیرہ غازی خان، ملتان اور راجن پور میں بھی بارشوں کا امکان ہے
