سینئر پاکستانی اداکار توقیر ناصر نے حیران کن دعویٰ کیا ہے کہ بالی ووڈ اسٹار اجے دیوگن کئی برسوں سے ان کے اندازِ اداکاری کی نقل کر رہے ہیں۔
حالیہ بیان میں توقیر ناصر نے کہا کہ انہوں نے طویل عرصے سے اپنے اور اجے دیوگن کی اداکاری میں غیرمعمولی مشابہت محسوس کی ہے۔
انہوں نے کہا، “مجھے حیرت ہوئی کہ ان کا اسٹائل میرے انداز سے اتنا ملتا جلتا ہے۔”
توقیر ناصر، جو پاکستانی ڈراموں میں اپنی قدرتی اور مؤثر اداکاری کے لیے مشہور ہیں، نے زور دیا کہ ان کی فنکاری ہمیشہ انفرادیت اور گہرائی پر مبنی رہی ہے۔
ان کے مطابق اجے دیوگن کی حرکات، تاثرات اور ڈائیلاگ کی ادائیگی اکثر انہیں اپنے پرانے کام کی یاد دلاتی ہے۔
یہ بیان سامنے آنے کے بعد شائقین میں بحث چھڑ گئی ہے، کچھ نے اس مشابہت سے اتفاق کیا جبکہ دیگر نے اسے محض اتفاق قرار دیا۔
توقیر ناصر کے ریمارکس اس بات کی نشاندہی کرتے ہیں کہ پاکستانی اداکاروں کا اثر سرحد پار فنون پر بھی نمایاں ہے۔
ابھی تک اجے دیوگن نے اس دعوے پر کوئی ردِعمل نہیں دیا۔
