بھارتی اداکار اور سیاست دان سی جوزف وجے نے نیٹ (NEET) امتحان کے خلاف جاری احتجاج کی حمایت کرتے ہوئے اس امتحان کو مکمل طور پر ختم کرنے کا مطالبہ کیا ہے۔
اپنے بیان میں وجے نے کہا کہ NEET امتحان خاص طور پر دیہی علاقوں، کم آمدنی والے خاندانوں اور ریاستی تعلیمی بورڈ سے تعلق رکھنے والے طلبہ کے لیے غیر منصفانہ ثابت ہو رہا ہے۔ ان کے مطابق ایک ہی قومی امتحان کی بنیاد پر داخلے کا نظام تعلیمی مساوات کے اصول کے خلاف ہے۔
انہوں نے مطالبہ کیا کہ میڈیکل کالجوں میں داخلے طلبہ کی تعلیمی کارکردگی کی بنیاد پر کیے جائیں، نہ کہ صرف ایک مرکزی امتحان کے ذریعے۔ وجے نے طلبہ اور والدین کے مطالبات کی حمایت کرتے ہوئے حکومت سے داخلہ پالیسی پر نظرثانی کرنے کی اپیل بھی کی۔
واضح رہے کہ تامل ناڈو میں NEET امتحان کئی برسوں سے ایک متنازع معاملہ ہے، جہاں مختلف سیاسی جماعتیں اور طلبہ تنظیمیں اس کے خاتمے کا مطالبہ کرتی رہی ہیں۔
