Grand Theft Auto VI کے حوالے سے پی سی لانچ ڈیٹ سے متعلق لیک ہونے والی خبریں آن لائن گردش کے بعد مسترد کر دی گئی ہیں، جب کہ گیمنگ انڈسٹری کے ماہرین نے ان دعوؤں کو غیر مصدقہ قرار دیا ہے۔
رپورٹس میں دعویٰ کیا گیا تھا کہ گیم کا پی سی ورژن جلد ریلیز کیا جا سکتا ہے، تاہم راک اسٹار گیمز کی جانب سے اس حوالے سے کوئی باضابطہ اعلان سامنے نہیں آیا۔
دوسری جانب یہ افواہیں بھی سامنے آ رہی ہیں کہ راک اسٹار گیمز جلد GTA 6 کا تیسرا آفیشل ٹریلر جاری کر سکتا ہے، جس میں گیم پلے، کہانی اور نئے اوپن ورلڈ فیچرز دکھائے جانے کی توقع ہے۔
ماہرین کے مطابق راک اسٹار عموماً پہلے کنسول ورژنز ریلیز کرتا ہے جبکہ پی سی ورژن بعد میں لانچ کیا جاتا ہے۔
فی الحال راک اسٹار گیمز کی جانب سے کسی بھی نئی ریلیز ڈیٹ یا ٹریلر کی باضابطہ تصدیق نہیں کی گئی، جس کے باعث مداحوں کا انتظار مزید بڑھ گیا ہے۔
