اداکارہ حریم سہیل نے اپنی شادی کے حوالے سے دلچسپ انکشاف کیا ہے کہ انہوں نے اپنی سہیلی زینب کے دوست سے شادی کی ہے۔ انہوں نے بتایا کہ ان کے شوہر ریان، جو ان کی سہیلی کے دوست تھے، بعد میں ان کے شوہر بن گئے۔
حریم سہیل نے کہا کہ انہوں نے اپنی شادی بہت سادگی سے کی اور شادی کے لیے مہنگے جوڑے یا بھاری اخراجات نہیں کیے۔ ان کا کہنا تھا کہ انہوں نے شادی میں مہمانوں کے کھانے کا مینیو خود تیار کیا اور اسے بھی سادہ رکھا۔
اداکارہ نے یہ بھی بتایا کہ ان کے شوہر رومانی نہیں لیکن ان کی شادی کو وہ عشق کی شادی قرار دیتی ہیں۔ ان کے شوہر ان سے تین سال بڑے ہیں اور ذہنی طور پر پختہ ہیں۔
مزید کہا کہ وہ اور ان کے شوہر ایک ہی اسکول میں پڑھتے تھے، لیکن ان کے شوہر پہلے وہاں سے فارغ التحصیل ہو چکے تھے۔ حریم سہیل کے مطابق جب ان کی سہیلی پہلی بار اپنے دوست سے ملنے گئیں، تو وہ بھی ان کے ساتھ تھیں، اور یوں ان کے اور شوہر کے درمیان دوستی اور پھر شادی کا فیصلہ ہوا۔
