معروف میزبان اور اداکارہ ندا یاسر نے اپنے گھر سے قیمتی اشیاء کی چوری کا دلچسپ اور حیران کن واقعہ شیئر کیا ہے۔
ندا نے بتایا کہ بیٹے کی پیدائش کے بعد انہوں نے اپنے گھر میں ایک فلپائنی ملازمہ رکھی، جس پر انہیں مکمل بھروسہ تھا کیونکہ وہ پیشہ ور لگتی تھی اور غیر ملکی شہریت رکھتی تھی۔
لیکن کچھ عرصے بعد، ان کے گھر سے قیمتی اشیاء غائب ہونے لگیں، مگر ندا کو ملازمہ پر کبھی شک نہیں ہوا۔
ایک دن خریداری کے دوران، ندا نے ملازمہ کو اپنا پرس پکڑا دیا، جس میں موجود 300 یورو غائب ہونے کا پتہ چلا۔
اس کے بعد انہوں نے تحقیقات شروع کرنے کا فیصلہ کیا۔
ملازمہ نے چھٹی کی درخواست دی، جسے ندا نے قبول کیا اور خود اس کے گھر گئیں۔
وہاں تین بیگ برانڈڈ کپڑوں، موبائل فونز، قیمتی اشیاء اور گمشدہ رقم سے بھرے ہوئے ملے۔
چونکہ ملازمہ نے طویل عرصے تک کام کیا تھا اور چوری شدہ سامان واپس ملا تھا، ندا نے قانونی کارروائی سے گریز کیا،
لیکن متعلقہ ایجنسی کو تفصیلی شکایت ضرور بھیجی۔
ندا نے اس واقعے کو ناخوشگوار قرار دیتے ہوئے ملازموں کے ساتھ ہوشیاری اختیار کرنے کا مشورہ دیا تاکہ دوسرے لوگ بھی ایسے نقصان سے بچ سکیں۔
