ملک بھر میں عید الاضحیٰ مذہبی عقیدت و احترام کے ساتھ منائی جا رہی ہے۔ اس موقع پر ماہرینِ صحت نے عوام کو خبردار کیا ہے کہ عید کی دعوتوں کا لطف ضرور اٹھائیں، مگر کھانے پینے میں اعتدال کو نہ بھولیں، خاص طور پر گوشت اور چٹ پٹے کھانوں کے استعمال میں احتیاط کریں۔
ماہرین کے مطابق شدید گرمی کے موسم میں زیادہ گوشت کھانے سے بدہضمی، گیس اور دیگر معدے کے مسائل پیدا ہوسکتے ہیں۔ عید کے فوراً بعد گیسٹرو کے مریضوں کی تعداد میں اضافہ عام بات ہے، خاص طور پر جب گوشت صحیح طریقے سے نہیں پکایا جاتا۔
ماہرین نے دل کے امراض، ذیابطیس اور دیگر دائمی بیماریوں میں مبتلا افراد کو خصوصی احتیاط برتنے کا مشورہ دیا ہے۔ انہوں نے ہاضمہ بہتر بنانے کے لیے پھل، ادرک اور گڑ کے استعمال کو مفید قرار دیا ہے۔
