جوائنٹ عوامی ایکشن کمیٹی (جے اے اے سی) نے مظفرآباد کی جانب اپنے اعلان کردہ لانگ مارچ کو مؤخر کرتے ہوئے حکومت کو اپنے مطالبات پورے کرنے کے لیے 21 جولائی تک کی مہلت دے دی ہے۔
کمیٹی کے مطابق یہ فیصلہ حکومت کو مسائل کے حل کے لیے مذاکرات کا موقع فراہم کرنے اور مطالبات پر عملی پیش رفت کی غرض سے کیا گیا ہے۔
جوائنٹ عوامی ایکشن کمیٹی نے خبردار کیا ہے کہ اگر 21 جولائی تک ان کے مطالبات تسلیم نہ کیے گئے٬ مہاجرین کی بارہ نشستوں کا خاتمہ نہیں کیا گیااور شوکت نواز میر کو رہا نہ کیا گیا تو 22 جولائی کو مظفرآباد کی جانب لانگ مارچ شروع کیا جائے گا۔
کمیٹی رہنماؤں کا کہنا ہے کہ ان کی تحریک پُرامن ہے، تاہم اگر حکومت مقررہ مدت کے اندر مثبت پیش رفت نہیں کرتی تو احتجاجی تحریک کو مزید وسعت دی جائے گی۔
جوائنٹ عوامی ایکشن کمیٹی نے ایک بار پھر اس عزم کا اظہار کیا کہ وہ مسائل کا پُرامن حل چاہتی ہے، تاہم حکومت سے مطالبہ کیا کہ مزید عوامی احتجاج اور کشیدگی سے بچنے کے لیے فوری اور مؤثر اقدامات کیے جائیں۔
