نیویارک — عالمی شہرت یافتہ پاپ اسٹار جسٹن بیبر اور ان کی کاروباری اہلیہ ہیلی بیبر کے رومانوی انداز نے نیویارک سٹی میں ایک پاپ اپ ایونٹ کے دوران مداحوں کے دل جیت لیے ہیں۔ 32 سالہ گلوکار نے ‘فیناٹکس فیسٹیول’ میں اچانک شرکت کر کے اپنے مداحوں کو حیران کر دیا، جہاں انہوں نے اپنی برانڈ مہم کے لیے خصوصی تصاویر بنوائیں۔ اسپورٹس ویئر اور پیلی ٹوپی پہنے جسٹن بیبر کی جانب سے شیئر کی گئی تصاویر میں دیکھا جا سکتا ہے کہ مشہور اسکن کیئر برانڈ ‘روڈ’ (Rhode) کی مالکن ہیلی بیبر نے محبت بھرے انداز میں ان کے سینے پر ہاتھ رکھا ہوا ہے۔ سوشل میڈیا پلیٹ فارم ایکس (ٹویٹر) پر ان تصاویر نے آتے ہی دھوم مچا دی اور مداحوں نے شدید تنقید کے باوجود دونوں کے مضبوط رشتے کی کھل کر تعریف کی۔
اس تقریب کے دوران جسٹن بیبر نے اپنی قمیض اتار کر اپنا مقبول ترین گانا "YUKON” گا کر وہاں موجود مداحوں کا جوش مزید بڑھا دیا۔ یہ پیش رفت ایک ایسے وقت میں سامنے آئی ہے جب پاپ اسٹار اپنی زندگی کی سب سے بڑی لائیو پرفارمنس کی تیاریاں کر رہے ہیں۔ جسٹن بیبر 19 جولائی 2026 کو ہونے والے فیفا ورلڈ کپ 2026 کے فائنل میچ کے ہاف ٹائم شو میں پرفارم کرنے والے ہیں۔ بین الاقوامی ذرائع کے مطابق، فٹ بال ورلڈ کپ کی اختتامی تقریب کے اس تاریخی ہاف ٹائم کنسرٹ میں جسٹن بیبر کے ساتھ دنیا بھر کے 11 دیگر نامور فنکار بھی اسٹیج پر جادو جگائیں گے، جس کا دنیا بھر کے کروڑوں شائقین کو بے صبری سے انتظار ہے۔
