لاہور — وزیرِ اعلیٰ پنجاب مریم نواز نے صوبے بھر کے طلبہ، بالخصوص طالبات کے لیے "پنجاب الیکٹرک بائیک اسکیم 2026” کا باقاعدہ اعلان کر دیا ہے۔ عارف والا میں منعقدہ ایک تقریب کے دوران وزیرِ اعلیٰ کی جانب سے شروع کی گئی اس تاریخی اسکیم کے تحت صوبے بھر میں 1 لاکھ الیکٹرک بائیکس اور اسکوٹیز تقسیم کی جائیں گی تاکہ طلبہ کا کالجوں اور یونیورسٹیوں تک سفر آسان، محفوظ اور سستا بنایا جا سکے۔ خواتین کو خودکتیار بنانے کے لیے حکومتِ پنجاب نے ایک بڑا فیصلہ کرتے ہوئے اعلان کیا ہے کہ طالبات کو یہ الیکٹرک بائیکس بالکل مفت فراہم کی جائیں گی، جبکہ طالب علم (لڑکے) معمولی ڈاؤن پیمنٹ کے بعد آسان اور بلاسود (انٹرسٹ فری) ماہانہ قسطوں پر یہ بائیکس حاصل کر سکیں گے۔
اسکیم کے مروجہ قانون کے مطابق، درخواست گزار کے لیے لازمی ہے کہ اس کی عمر کم از کم 18 سال (اور حدِ زیادہ 35 سال) ہو، وہ ہائر ایجوکیشن کمیشن (HEC) سے منظور شدہ کسی بھی ڈگری کالج یا یونیورسٹی کا باقاعدہ طالب علم ہو، اور اس کے پاس پنجاب کا ڈومیسائل ہو۔ اس کے علاوہ، امیدوار کے پاس موٹر سائیکل کا کارآمد ڈرائیونگ لائسنس یا لرنر پرمٹ ہونا ضروری ہے اور اس کے نام پر پہلے سے کوئی گاڑی رجسٹرڈ نہیں ہونی چاہیے۔ پالیسی کے تحت ایک خاندان میں صرف ایک ہی بائیک دی جائے گی۔ خواہش مند طلبہ پنجاب حکومت کے آفیشل پورٹل پر اپنے شناختی کارڈ/بے فارم، اسٹوڈنٹ آئی ڈی، ڈومیسائل اور لرنر پرمٹ کی دستاویزات اپ لوڈ کر کے آن لائن درخواست جمع کرا سکتے ہیں۔ بائیک کے ساتھ طلبہ کو گاڑی کی انشورنس اور سولر چارجنگ سپورٹ بھی دی جائے گی جبکہ مانیٹرنگ کے لیے کمپیوٹرائزڈ قرعہ اندازی کی جائے گی۔ کسی بھی معلومات یا مدد کے لیے حکومتِ پنجاب کی ہیلپ لائن 267-333-111-042 پر رابطہ کیا جا سکتا ہے۔
