لاہور میں منکی پاکس کا خطرہ سنگین ہوگیا، آج مزید 2 نئے مریضوں کی تصدیق ہوئی ہے۔
منکی پاکس شہر کے اندر ایک سے دوسرے شخص کو منتقل ہونے لگا، خطرے کی بات یہ ہے کہ منکی پاکس کے مریضوں کی کوئی ٹریول ہسٹری موجود نہیں۔
لاہور میں منکی پاکس کے مزید 2 نئے مریضوں کی تصدیق ہوئی ہے، میو ہسپتال میں زیر علاج دونوں مریضوں کے لیب ٹیسٹ میں منکی پاکس کی تصدیق ہوئی، بتایا گیا ہے کہ 28 سالہ اسد خادم اور 24 سالہ سید سجاول منکی پاکس میں مبتلا پائے گئے۔
واضح رہے کہ گزشتہ روز میو ہسپتال میں منکی پاکس کے دو مریضوں کی تصدیق ہوئی تھی، 23 سالہ عنیب اور 2 سالہ ہمدان منکی پاکس میں مبتلاپائےگئے، جو وہیں زیر علاج ہیں۔
محکمہ سپیشلائزڈ ہیلتھ تاحال منکی پاکس کے مریضوں کو آئسولیشن میں رکھنے کا انتظام نہ کر سکا۔
