نومبر 4، 2025
ویب ڈیسک
صوبائی ڈیزاسٹر مینجمنٹ اتھارٹی (PDMA) پنجاب نے پیش گوئی کی ہے کہ صوبے کے بیشتر اضلاع میں آج سے ہلکی بارش کا سلسلہ شروع ہوگا جو 5 نومبر تک جاری رہنے کا امکان ہے۔
ترجمان پی ڈی ایم اے کے مطابق، یہ بارش صوبے میں فضائی آلودگی میں کمی اور درجہ حرارت میں کمی کا باعث بنے گی، جس سے شہریوں کو اسموگ سے کچھ حد تک ریلیف ملنے کی امید ہے۔
محکمہ کے مطابق لاہور، راولپنڈی، مری، گلیات، اٹک، تلہ گنگ، جہلم اور سرگودھا میں بارش متوقع ہے، جبکہ خوشاب، گوجرانوالہ، سیالکوٹ اور نارووال میں بھی ہلکی بارش کے امکانات ہیں۔
پی ڈی ایم اے نے کہا ہے کہ یہ بارش موجودہ فضائی آلودگی کو کم کرنے اور موسم کو خوشگوار بنانے میں مددگار ثابت ہوگی۔
