ویب ڈیسک
سعودی وزارت داخلہ کے مطابق مکہ مکرمہ میں مسجد الحرام کے بالائی حصے سے ایک شخص نے چھلانگ لگا دی، جس کے باعث وہاں موجود زائرین میں خوف و ہراس پھیل گیا۔
مسجد الحرام کی سیکیورٹی فورس نے فوری کارروائی کی۔ اس دوران ایک سیکیورٹی اہلکار اس شخص کی گرنے کی رفتار کم کرنے کی کوشش میں زخمی ہو گیا۔
حکام کے مطابق زخمی شخص اور سیکیورٹی اہلکار دونوں کو فوری طور پر اسپتال منتقل کر دیا گیا ہے۔ دونوں کی حالت کے بارے میں تاحال تفصیلات سامنے نہیں آئی ہیں۔
وزارت داخلہ نے بتایا کہ واقعے سے متعلق تمام قانونی کارروائیاں مکمل کر لی گئی ہیں۔ مزید معلومات طبی رپورٹس کے بعد جاری کی جائیں گی۔
