پاکستان ویمنز فٹبال ٹیم کو پہلی مرتبہ فیفا سیریز میں جگہ مل گئی ہے، فیفا نے قومی ویمنز اسکواڈ کی شمولیت کی منظوری دے دی ہے۔
پاکستان فٹبال فیڈریشن (پی ایف ایف) کے مطابق فیفا سیریز میں شامل ہونا ملک میں خواتین فٹبال کی بڑھتی ہوئی ترقی اور محنت کا اعتراف ہے۔ پی ایف ایف کا کہنا ہے کہ یہ پاکستان ویمنز نیشنل ٹیم کے لیے ایک نئے دور کی شروعات ہے، اس سیریز کے ذریعے کھلاڑیوں کو عالمی سطح پر تجربہ حاصل کرنے کا موقع ملے گا۔
فیفا سیریز مارچ اور اپریل 2026 میں منعقد ہوگی، جس کے ابتدائی مرحلے کی میزبانی برازیل، آئیوری کوسٹ اور تھائی لینڈ کریں گے۔ ویمنز فیفا سیریز کے تمام گروپس کا باضابطہ اعلان 2026 کے آغاز میں متوقع ہے۔
