اسلام آباد — مسلم لیگ (ن) کے سینئر رہنما اور سینیٹر عرفان صدیقی طویل علالت کے بعد انتقال کر گئے۔
نیوز کے مطابق عرفان صدیقی سینیٹ میں مسلم لیگ (ن) کے پارلیمانی لیڈر کے طور پر خدمات انجام دے رہے تھے۔ وہ گزشتہ دو ہفتوں سے علیل اور اسلام آباد کے ایک ہسپتال میں زیر علاج تھے۔
قبل ازیں سابق وفاقی وزیر ڈاکٹر طارق فضل چوہدری نے بتایا تھا کہ عرفان صدیقی کی حالت تشویشناک ہوگئی تھی اور انہیں وینٹی لیٹر پر منتقل کیا گیا تھا۔
عرفان صدیقی اپنی علم دوستی، بردباری اور سیاست و صحافت میں گراں قدر خدمات کے باعث احترام کی نظر سے دیکھے جاتے تھے۔ ان کا انتقال ملک کے سیاسی و ادبی حلقوں کے لیے ایک بڑا نقصان ہے۔
