شہزادہ ولیم کی ماحولیاتی وارننگ کی حمایت؛ شہزادہ البرٹ اور شہزادی شارلین بھی میدان میں آ گئے

موناکو / لندن — فرانس، اسپین اور برطانیہ میں جنگلات میں لگنے والی تباہ کن آگ کے بعد موناکو کے شہزادہ البرٹ اور شہزادی شارلین نے برطانوی ولی عہد شہزادہ ولیم کی ماحولیاتی انتباہی بیان کی بھرپور تائید کی ہے۔ اس سے قبل شہزادہ ولیم نے اپنے بیان میں متاثرہ خاندانوں سے اظہارِ ہمدردی کرتے ہوئے فائر فائٹرز اور رضاکاروں کی خدمات کو سراہا تھا، اور خبردار کیا تھا کہ یہ المناک واقعات بدلتے ہوئے سخت موسمیاتی چیلنجز اور ماحول کے تحفظ کی اشد ضرورت کی ہولناک یاد دہانی ہیں۔ اس کے فوراً بعد شہزادہ البرٹ اور شہزادی شارلین کی جانب سے بھی ایک مشترکہ بیان جاری کیا گیا، جس میں انہوں نے متاثرہ افراد کے ساتھ یکجہتی کا اظہار کرتے ہوئے کہا کہ یہ موسمیاتی آفات نہ صرف انسانی زندگیوں کو متاثر کر رہی ہیں بلکہ قیمتی قدرتی ماحول اور نازک حیاتیاتی تنوع کو بھی تباہ کر رہی ہیں، اس لیے کرۂ ارض کے تحفظ کے لیے فوری اور جرات مندانہ اجتماعی اقدامات ناگزیر ہیں۔