محکمہ صحت پنجاب نے سیلاب سے متاثرہ علاقوں میں ریلیف کیمپس لگانےکاحکم دیدیا۔
مراسلے کے مطابق پنجاب کے مختلف اضلاع میں سیلابی صورتحال کے پیش نظرمحکمہ صحت پنجاب نے تمام اضلاع کو سیلاب سے متاثرہ علاقوں میں ریلیف کیمپس لگانےکا حکم دے دیا،سیلاب سے متاثرہ علاقوں میں کلینک آن وہیلز تعینات کرنےکافیصلہ کیا گیا،طبی وپیرا میڈیکل عملہ سیلابی علاقوں میں 24 گھنٹے ڈیوٹی پرتعینات رہےگا۔
محکمہ صحت نےسانپ اور کتےکےکاٹنےکی ویکسین کا اسٹاک یقینی بنانےکی ہدایت کی، سیلابی علاقوں میں ڈائریا،ہیضہ،ملیریاجیسی بیماریوں کےلیے ادویات دستیاب رکھی جائیں،ملیریا اور ڈینگی سےبچاؤ کے لئے اقدامات کیےجائیں،،پانی سے پھیلنے والی بیماریوں کی روک تھام،پانی کوکلورین سےصاف کرنے کی ہدایت کردی گئی۔
