پاکستان میں 13 اپریل سے پولیو کے خلاف دوسری قومی مہم کا آغاز ہوگا۔
ملک بھر میں 5 سال سے کم عمر 4 کروڑ 50 لاکھ بچوں کو ویکسین دینے کا ہدف مقرر کیا گیا ہے، انسداد پولیو مہم میں 4 لاکھ سے زائد فرنٹ لائن ورکرز حصہ لیں گے۔
سندھ، بلوچستان، پنجاب، خیبرپختونخوا سمیت ملک بھر میں مہم چلائی جائے گی، گلگت بلتستان، آزاد کشمیر اور اسلام آباد بھی مہم میں شامل ہیں۔
5 سال تک کے بچوں کو عمر بھر کی معذوری سے بچانے کیلئے حکومت کا اہم اقدام ہے، حکومتِ پاکستان کی قیادت میں پولیو کے خاتمے کیلئے کوششیں تیز کی جا رہی ہیں۔
