سردی بڑھتے ہی سانس کے مریضوں کی تعداد میں اضافہ ہوگیا، قومی ادارہ صحت میں ماحولیاتی الرجی کی ویکسین کی قلت پیدا ہوگئی، الرجی سنٹر صرف ٹیسٹ کی سہولت تک محدود ہو گئے، ملک بھر کےسینکڑوں مریض ویکسین لئے بغیر واپس لوٹنے لگے۔
مختلف شہروں سے قومی ادارہ صحت کے الرجی سنٹر آنے والے مریضوں کے لئے روزانہ چھ سو سے زیادہ ویکسین درکار ہوتی ہے، دمہ ،نزلہ ،زکام. آنکھوں کی الرجی،سانس اورگلے کے مریض الرجی ویکسین سے محروم ہیں۔
الرجی ویکسین کا انتظار کرنے والے مریضوں کی تعداد چار ہزار تک پہنچ گئی ایک ویکسین کی قیمت ایک ہزار ہے، سی ای او قومی ادارہ صحت ڈاکٹر محمد سلمان نے بھی الرجی ویکسین کی قلت کا اعتراف کرتے ہوئے بتایا کہ ایک کیمیکل کی وجہ سے الرجی ویکسین کی تیاری کے بعد کا مرحلہ تاخیر کا شکارہوا، باقی ویکسین موجود ہیں الرجی ویکسین کی جلد دستیابی یقینی بنائینگے۔
