جنوری 3, 2026
ویب ڈیسک
گورنر سندھ کامران خان ٹیسوری نے حضرت علی رضی اللہ تعالیٰ عنہ کے یومِ ولادت کے موقع پر اہلِ اسلام کو دلی مبارکباد پیش کی ہے۔
انہوں نے کہا کہ بابُ العلم حضرت علیؓ کا یومِ ولادت ہمیں اتحاد، بھائی چارے اور حق و صداقت پر ثابت قدم رہنے کا درس دیتا ہے۔
گورنر سندھ کا کہنا تھا کہ حضرت علیؓ کی ذاتِ مبارکہ علم و حکمت، شجاعت اور تقویٰ کا ایسا روشن مینار ہے جس کی مثال تاریخ میں نہیں ملتی۔
انہوں نے مزید کہا کہ فاتحِ خیبر حضرت علیؓ کا طرزِ حکومت عدل و انصاف اور مساوات پر مبنی تھا جو آج بھی ہمارے لیے بہترین مشعلِ راہ ہے۔
کامران خان ٹیسوری نے کہا کہ مولائے کائناتؓ کی تعلیمات پر عمل کر کے معاشرے سے ظلم، ناانصافی اور تفریق کا خاتمہ ممکن ہے۔
انہوں نے دعا کی کہ اللہ تعالیٰ ہمیں حضرت علیؓ کے اسوۂ حسنہ پر عمل کرنے کی توفیق عطا فرمائے۔
