کراچی میں مئی سے اگست کے دوران کتے کے کاٹنے سے ریبیز کا شکار6 افراد انتقال کر گئے۔ اسپتال حکام کے مطابق انتقال کر جانے والے 3 افراد جناح اسپتال جبکہ 3 کورنگی کے ٹرسٹ اسپتال میں زیر علاج تھے۔
حکام کا بتانا ہے کہ سندھ بھر میں رواں سال اب تک ربیز سے اموات کی تعداد 14 ہو چکی ہے۔ اسپتال حکام کا کہنا ہے کہ ریبیز کا شکار 8 افراد کا جناح اسپتال جبکہ 6 افراد کا کورنگی کے ٹرسٹ اسپتال میں انتقال ہوا۔
اسپتال حکام کے مطابق رواں سال سندھ بھر میں اب تک کتے کے کاٹنے کے 22 ہزار سے زائد کیسز رپورٹ ہو چکے ہیں۔
