سڈنی کے ساحلی علاقے میں فائرنگ کے افسوسناک واقعے کے بعد بگ بیش لیگ کی ٹیم سڈنی سکسرز نے اپنے ہوم گراؤنڈ پر ہونے والے میچ سے متعلق بیان جاری کر دیا ہے۔
اعلامیے کے مطابق واقعے کے پیشِ نظر میچ کے دوران اضافی سیکیورٹی تعینات کی جائے گی تاکہ شائقینِ کرکٹ کی حفاظت کو یقینی بنایا جا سکے۔ ٹیم انتظامیہ کا کہنا ہے کہ تماشائیوں کے تحفظ کے لیے سیکیورٹی کے مزید اقدامات کیے گئے ہیں۔
سڈنی سکسرز نے ساحل پر پیش آنے والے واقعے پر متاثرہ افراد سے اظہارِ افسوس کیا اور بتایا کہ میچ سے قبل خاموشی اختیار کی جائے گی۔ اس کے علاوہ کھلاڑی متاثرین کی یاد میں بازوؤں پر سیاہ پٹیاں باندھ کر میدان میں اتریں گے۔
واضح رہے کہ سڈنی سکسرز کل اپنے ہوم گراؤنڈ پر ایڈیلیڈ اسٹرائیکرز کے خلاف میچ کھیلیں گے۔
