لاہور کےمیو ہسپتال میں منکی پاکس کے 2 نئے مریضوں کی تصدیق ہوگئی۔
3سالہ ارحم کے منکی پاکس میں مبتلا ہونے کی تصدیق، 27سالہ فیروزہ طیب بھی منکی پاکس میں مبتلا پائی گئی، شہر میں منکی پاکس کیسز نے خطرے کی گھنٹی بجا دی۔
منکی پاکس ایم پاکس وائرس سے ہوتا ہے، اس کے بارے میں سمجھا جاتا ہے کہ یہ جانوروں سے انسانوں میں منتقل ہوتا ہے جن میں افریقی چوہے اور غیر انسانی بندر ممکنہ ذرائع قرار دیے جاتے ہیں۔
بیماری عام طور پر بخار سے شروع ہوتی ہے جس کے ایک سے تین دن بعد جسم پر خارش نمودار ہوتی ہے جو پہلے چہرے پر اور پھر جسم کے دوسرے حصوں تک پھیلتی ہے، یہ خارش مختلف مراحل سے گزرتی ہے۔
دیگر علامات میں سر درد، پٹھوں کا درد، سوجے ہوئے غدود اور تھکن شامل ہو سکتی ہے، انکیوبیشن پیریڈ عام طور پر 7 سے 14 دن ہوتا ہے لیکن 5 سے 21 دن تک بھی ہو سکتا ہے، زیادہ تر مریض دو سے چار ہفتوں میں صحت یاب ہو جاتے ہیں۔
