اسلام آباد — تھانہ ہامک کی حدود میں ایک نوجوان لڑکی کو ہراساں کرنے، جسمانی تشدد اور جان سے مارنے کی دھمکیاں دینے کے الزام میں پولیس نے ایک شخص کے خلاف مقدمہ درج کر لیا ہے۔ یہ کارروائی متاثرہ لڑکی کی والدہ گل بی بی کی شکایت پر کی گئی۔
ایف آئی آر کے مطابق ملزم، جس کی شناخت سفیان آصف کے نام سے ہوئی ہے، مبینہ طور پر لڑکی کا پیچھا کرتا رہا، راستے میں روک کر اسے جسمانی تشدد کا نشانہ بنایا، اور متعدد بار ان کے گھر آ کر پستول لہرا کر سنگین دھمکیاں دیں۔
ایف آئی آر میں ایک ویڈیو کا بھی ذکر ہے جس میں ملزم کو لڑکی کا تعاقب کرتے اور حملہ کرتے دیکھا جا سکتا ہے۔
پولیس کے مطابق دونوں خاندانوں کے درمیان ایک رشتہ طے ہونے کے معاملے پر پہلے سے تنازع جاری تھا۔ اس سے قبل بھی فریقین میں جھگڑا ہوا تھا جس پر امن عامہ کی خلاف ورزی کے تحت قلنڈرہ درج کیا گیا اور دونوں خاندانوں کو معاملہ نہ بڑھانے کی ہدایت دی گئی تھی۔
تاہم، پولیس کا کہنا ہے کہ جب ملزم نے دوبارہ لڑکی سے رابطے کی کوشش کی تو لڑکی کے والدین نے پولیس کو اطلاع دی، جس پر فوری کارروائی کرتے ہوئے نیا مقدمہ درج کر لیا گیا۔
شکایت کنندہ نے اپنی بیٹی کی جان کو خطرہ قرار دیتے ہوئے ملزم کے خلاف سخت قانونی کارروائی کا
