کراچی: علامہ اقبال اوپن یونیورسٹی کے سندھ چیپٹر کا کانووکیشن بحریہ آڈیٹوریم کارساز کراچی میں منعقد ہوا، جس کے مہمانِ خصوصی وزیراعلیٰ سندھ سید مراد علی شاہ تھے۔ تقریب میں کامیاب طلبہ و طالبات کو اسناد دی گئیں اور شاندار انتظامات کو سراہا گیا۔
وزیراعلیٰ سندھ نے خطاب میں کہا کہ سابق وزیراعظم بے نظیر بھٹو کا اس جامعہ سے تعلیمی تعلق یونیورسٹی کے وقار اور عظمت کا ثبوت ہے۔ انہوں نے بتایا کہ ذوالفقار علی بھٹو کا وژن عام آدمی تک تعلیم پہنچانا تھا اور آج فاصلاتی تعلیم عالمی حقیقت ہے۔
وائس چانسلر پروفیسر ڈاکٹر ناصر محمود نے کہا کہ سندھ میں طلبہ کی تعداد ایک لاکھ 20 ہزار سے تجاوز کر چکی ہے، جو عوام کے اعتماد کا ثبوت ہے۔ ان کا کہنا تھا کہ کراچی سمیت سندھ کے مختلف علاقوں میں مزید اسٹڈی سینٹرز اور تعلیمی سہولیات بڑھائی جائیں گی۔
تقریب میں اساتذہ، فیکلٹی ممبران، علاقائی دفاتر کے سربراہان اور سماجی شخصیات نے شرکت کی۔
