کوئٹہ: بلوچستان کے 26 اضلاع میں انسداد پولیو مہم کل سے شروع ہوگی، جس میں 5 سال تک کی عمر کے 20 لاکھ بچوں کو پولیو سے بچاؤ کے قطرے پلائے جائیں گے۔
چیف سیکرٹری بلوچستان شکیل قادر کے مطابق مہم 7 روز تک جاری رہے گی، صوبے میں گزشتہ 10 ماہ سے پولیو کا کوئی کیس سامنے نہیں آیا اور گندے پانی میں وائرس کی شرح بھی کم ہوئی ہے۔
کوئٹہ میں اسسٹنٹ کمشنر سریاب کے دفتر میں تقریب کے دوران رکن صوبائی اسمبلی علی مدد جتک نے بچوں کو قطرے پلا کر مہم کا افتتاح کیا۔
پولیو ایمرجنسی سینٹر کے مطابق صوبے میں 3 ہزار انکار کے کیسز پر بھی جلد قابو پالیا جائے گا۔
